Алматыда 7 жастағы қызды басып кеткен жүргізуші 2 жылға сотталды

Алматыда 7 жасар қыздың өліміне себеп болған жүк көлігінің жүргізушісіне сот үкімі шықты, деп хабарлайды Orda.kz.

Қайғылы оқиға 2 сәуір күні Алматы көшелерінің бірінде болған. Жаяу жүргіншілер жолағынан өтіп бара жатқан қызға автобус жүргізушісі жол бермей, артқа шегінген сәтте бала жүк көлігіне көрінбейтін жерде қалып қойған. Соның салдарынан жүк көлігі абайсызда қыздың үстінен басып өтіп кеткен. Оқиға баланың анасының көз алдында болған.

Сот 66 жастағы жүргізушіні кінәлі деп танып, оны 2 жыл 6 айға бас бостандығынан айырды. Сондай-ақ 5 жылға жүргізуші куәлігінен айырылып, қыздың отбасына 5,5 миллион теңге өтемақы төлеуге міндеттелді.

Еске сала кетейік, Алматыда «Қазақтың Робин Гуды» деген лақап атымен танымал «Елге көмек» қорының басшысы Ілияс Сәриевтің соты өтіп жатыр. Тергеу барысында оның серіктесі Ақтоты Дүйсееваның телефонынан табылған төлемдер Сәриевтің жылдар бойы букмекерлік кеңселерге ақша аударып келгенін дәлелдеді. Кейде тіпті күніне 700 мың теңгеге дейін ақшаны тек құмар ойынға жұмсағаны белгілі болды.