Алматыда 180 мың вейп тәркіленді: Іс сотқа жолданды

Алматыда электронды темекілерге тыйым салынғанына қарамастан, вейптердің заңсыз саудасын ұйымдастырғандар анықталды, деп хабарлайды Orda.kz. 

Бас прокуратура мәліметінше, тыйым күшіне енгеннен бері қалада вейптердің заңсыз айналымының ондаған дерегі анықталған. Күдіктілер өнімді Telegram-арнасы арқылы сатқан. Өнімдер қоймаларда және жасырын орындарда сақталған.

Тергеу барысында 180 мыңнан астам вейп тәркіленді. Олардан түсуі мүмкін табыс 1 миллиард теңге болады.

Күдіктілердің 347 миллион теңге көлеміндегі мүлкіне шектеу салынды. Қылмыстық іс сотқа жолданды.

Оқи отырыңыз:

• Женевадағы АҚШ пен Иран келіссөздері: 440 келі байытылған уран елден шығарылсын
• «Бұрынғыдан да жақсы болады»: Садыр Жапаров Ташиевтің қызметтен кеткенін трагедияға айналдырмауды сұрады