Алматыда 10 сәуірден бастап жылу беру тоқтайды

Алматы жылу маусымының аяқталуына дайындалып жатыр, деп хабарлайды Orda.kz.

Қала әкімі Ерболат Досаев 2024-2025 жылдардағы жылу маусымның қорытындысы мен келесі маусымға дайындықты талқылау үшін жиналыс өткізді.

«10 сәуірден бастап жылуды кезең-кезеңімен тоқтату жұмыстары басталады. Алдымен бұл әкімшілік ғимараттарынан, білім беру мекемелерінен және мәдениет нысандарынан басталады. Кейіннен тұрғын үйлер мен әлеуметтік мекемелерде жылу тоқтайды», – деп мәлімдеді.

29 наурыз күні президент Қасым-Жомарт Тоқаев іс-сапармен Алматыға келді. Жұмыс барысында мемлекет басшысы Алматы әкімі Ерболат Досаевқа бірқатар тапсырмалар берді. Соның ішінде, Досаев президентке екі аптада бір рет есеп беріп отыруға міндеттелді.