Алматы облысында автобус пойызбен соқтығысты: зардап шеккендердің жағдайы қандай?

Алматы облысында жолаушылар автобусының пойызбен соқтығысуы салдарынан алты адам зардап шекті. Олардың қазіргі жағдайы туралы өңірдің денсаулық сақтау басқармасы мәлімдеді, деп хабарлайды Orda.kz.      

Ведомствоның мәліметінше, барлық зардап шеккендер Іле ауданының орталық аудандық ауруханасына және Боралдай кентінің аудандық ауруханасына жеткізілген.

«Тексеруден өткізіп, қажетті зерттеулер жүргізіліп, медициналық көмек көрсетілгеннен кейін науқастар амбулаторлық жағдайда әрі қарай емделуге жіберілді. Жағдай Алматы облысының денсаулық сақтау басқармасының бақылауында»,  деп хабарлады басқарма. 

Еске салсақ, оқиға 2026 жылғы 30 наурызда Алматы – Боралдай – Шамалған станциясы автожолындағы теміржол өткелінде болған. Алматы облысы полиция департаментінің алдын ала мәліметінше, көмір тиеп станциядан шыққан пойыз өткелден өтіп бара жатқан, алайда маршруттық автобустың жүргізушісі оған жол бермеген.

Полиция қызметкерлері жүргізушіні жауапкершілікке тартты.

Оқи отырыңыз:

• Сапасыз жолдан көлігіңіз сынса — «ҚазАвтоЖол» ақы төлейді
• Санжар Боқаев бұлтартпау шарасымен екі айға қамалды
• Алматыда заңгер Әділетхан Молдаханның ұсталғанын полиция растады