Алматыға жақын маңда жер сілкінісі болды

ҚР БҒМ ҒК СТӘЭ мемлекеттік мекемесі хабарлайды. 15 шілдеде Алматы уақытымен 14 сағат 48 минутта жер сілкінісі тіркелді.

Бұл туралы Orda.kz хабарлайды.

Жер сілкінісінің эпицентрі – Алматы қаласынан оңтүстікке қарай 44 шақырым жерде, Қазақстан аумағы.

Магнитудасы: 4,0.

Тереңдігі: 10 шақырым.

– Ақпаратты алғаннан кейін Алматы облысы Төтенше жағдайлар департаменті жергілікті атқарушы органдарға, Полиция департаментіне, прокуратура органдарына және басқа ұйымдарға хабарлама берді, аумақтардағы жағдай нақтылануда, қирау мен шығындар туралы хабарламалар болған жоқ, - делінген хабарламада.