Әлия Назарбаеваның компаниясы әлі күнге дейін Астанада қоқыс шығарады

Әлия Назарбаевамен келісімшарт 6 жыл бұрын жасалды, деп хабарлайды Orda.kz порталы.

Журналист Астана қаласының әкімі – Жеңіс Қасымбектен «Әлия Назарбаеваның компаниясы елордадан әлі де қоқыс шығарып жатыр ма?» деген сұрақ қойды.

«Биыл бұл компаниямен келісімшарт аяқталады. Ол бүгін күнде бүкіл қала бойынша жұмыс істейді. Онымен келісім 5-6 жыл бұрын жасалған шығар. Биылғы сәуір айының басында конкурс жариялауды жоспарлап отырмыз. Қаланы бес ауданға бөлеміз. Қала екі есе өсті, сәйкесінше тұрғындар саны да артты», – деді ол.

Әкім қазір қаланы тазалауға 150-160 машина қажет екенін тілге тиек етті. Оның сөзінше, Астанада қоқыс шығару бойынша 3-4 компания жұмыс істейтін болады.

Айта кетсек, Әлия Назарбаева ҚТЖ билеттерін сату және Астанада қоқыс шығару бойынша бизнестен кеткені хабарланған болатын.

Бұған дейін "SLEAN City NC" ЖШС құрылтайшысы Green Future Management LTD компаниясы екені мәлім болды. Оған Әлия Назарбаева иелік етеді. Сондай-ақ, Қазақстанның экс-президентінің кіші қызы 2014 жылдан бері онлайн-билет сатудан пайда тапқаны анықталды. Келісімшарт тоғыз жыл мерзімге – 2023 жылдың 31 желтоқсанына дейін жасалған.