Әлем чемпионатының кубогы Алматыға келеді

26 қаңтарда Алматыға FIFA World Cup түпнұсқа кубогы жеткізіледі. Бұл бірегей іс-шара мегаполис тұрғындары мен қонақтарына әлем футболының басты нышанын көзбе-көз көруге мүмкіндік береді, деп хабарлайды Orda.kz.

Алайда экспозиция ұзаққа созылмайды: трофей Алматыда небәрі бірнеше сағат ғана болады.

Шараның мақсаты – футболды насихаттау және жастар арасында бұқаралық спортты дамыту.

Айта кетейік, Испаниялық MARCA басылымы алматылық «Қайрат» футбол клубының қақпашысы Темірлан Анарбековты биылғы Чемпиондар Лигасының үздік қақпашысы деп таныды. 22 жасында турнирдің төрт ойынында 24 сейв жасап, ең көп голдың алдын алған ойыншы ретінде статистикалық көрсеткіш бойынша көш бастап тұр.