Ақтөбеде құмар ойын бизнесін ұйымдастырғандарға үкім шықты

Ақтөбеде мобильді қосымша арқылы ойын бизнесін ұйымдастырғандар сотталды, деп хабарлайды Orda.kz. 

Қылмыстық топ ойынға қатысушылардан түсетін ақша аударымдарын қабылдап, оларды платформаға тіркеген. Сонымен қатар әрқайсысына логин мен құпия сөз және ойындарға кіруге сілтеме берген.

Онлайн-казинодан күн сайын 150 мың теңгеден 200 мың теңгеге дейін ақша түсіп отырған. Алаяқтар ақшаны қолма-қол айналымға өткізу үшін дропперлерді де тартқан.

Сот үкімімен 9 адамға 2 жылдан 9 жылға дейін бас бостандығынан айыру жазасы тағайындалды. Сонымен қатар, қылмыстық кірістерге алынған 3 автокөлік тәркіленді.

Айта кетейік, Алматыда донор болған марқұм әйел 6 адамның өмірін сақтап қалды.