Ақтөбе облысында жол апатынан 5 адам көз жұмды

Ақтөбе облысында Өзбекстан азаматтары отырған жолаушылар автобусы жол апатына ұшырады, деп хабарлайды Orda.kz. 

Қайғылы жағдай 7 желтоқсанда шамамен 08:40-та Самара – Шымкент республикалық маңызы бар автожолдың 1024-шақырымында болған. 

Алдын ала мәліметтер бойынша, автобус жүргізушісі Самара – Шымкент автожолымен Қарабұтақ ауылынан Қызылорда облысына қарай жүріп келе жатып, Әйтеке би ауданына қарасты Ұлғайсын ауылының маңында рөлге ие бола алмай, автобусты аударып алған. Автобус салонында 49 Өзбекстан азаматы болған. 

Жол апаты салдарынан бес жолаушы оқиға орнында көз жұмып, 11 адам түрлі дене жарақаттарымен Әйтеке би аудандық орталық ауруханасына жеткізілді.

Айта кетейік, Гоада клубтан шыққан өрт 25 адамның өмірін жалмады.