Ақтаудағы төтенше жағдай: сәби құшақтаған әйел бортта бомба бар деп хабарлады

Төтенше жағдай Ақтау әуежайында болды, қолында нәрестесі бар жолаушы бортта бомба бар деп жұрттың зәресін ұшырды. Оқиғаны көліктегі полиция департаменті растады, деп хабарлайды Orda.kz порталы Lada.kz сілтеме жасап. 

Басылымның хабарлауынша, оқиға бортында 200-ге жуық жолаушы болған Scat әуе компаниясының Ақтау-Шымкент рейсінде болған.

Белгілі болған ақпаратқа қарағанда Ақтау әуежайында бортқа отырғаннан кейін сәбиімен бірге ұшқан 1998 жылы туған жолаушы ұшақтағы жарылғыш зат туралы мәлімдеген.

Осыдан кейін барлық адамдарды, соның ішінде экипаж да шұғыл жерге түсірілді, ал әуе кемесін мамандар бес сағаттан астам тексерді. Оқиға орнына арнайы қызметтер келді. Нәтижесінде ештеңе табылған жоқ.

Жолаушылар бұл әйелде эмоциялық бұзылу болуы мүмкін деп есептейді, сол себепті ол не айтып, не қойғанын білмесе керек. Әйелді құқық қорғау органдары ұстағаны бегілі болды.

Көліктегі ПД фактіні растады. Ведомствоның хабарлауынша, Маңғыстау станциясындағы желілік полиция бөлімі «Терроризм актісі туралы көрінеу жалған хабарлау» бабы бойынша қылмыстық іс қозғады.

Тергеу жалғасуда. Басқа мәлімет ҚР ҚІЖК 201-бабына сәйкес жария етілмейді.

ҚР ҚК 273-бабына сәйкес, терроризм актісі туралы көрінеу жалған хабарлау бес мың айлық есептік көрсеткішке дейінгі мөлшерде айыппұл салуға не сол мөлшерде түзеу жұмыстарына не бес жылға дейінгі мерзімге бас бостандығын шектеуге не сол мерзімге бас бостандығынан айыруға дейін жаза беріледі.

23 тамызда сағат 10: 25-ке жоспарланған Fly Arystan авиакомпаниясының Қарағандыдан Анталияға ұшатын рейсі уақытында ұшып кете алмады. Кідіріс 12 сағаттан астам уақытқа созылды, ал 200-ге жуық жолаушы әлі де әуежайда күтіп отыр.