Ақтаудағы апат: ұшақ соңғы рет қазан айында тексерістен өткен

cover Фото: ТЖМ

Ақтау маңына құлаған ұшақ туралы толық ақпарат тарады, деп хабарлайды Orda.kz

Бұл туралы «Әзірбайжан авиакомпаниялары» (AZAL) Report сұрауына жауап берді.

Ақтау маңында апатқа ұшыраған 4k-AZ65 тіркеу нөмірі бар Embraer 190 ұшағы 2013 жылы шығарылған. 

«Өндірушінің сериялық нөмірі: 19000630. Әуе кемесі 9 949 рет ұшып, қонған. Ұшудың жалпы уақыты - 15 257,22 сағат болады. Әуе кемесіне соңғы жалпы техникалық тексеру 2024 жылдың 18 қазанында жүргізілді. Соңғы тексеруден кейін ұшақ 671 сағат ұшты» делінген хабарламада. 

Авиакомпанияның мәліметінше, әуе кемесінің командирі Игорь Кшнякин өте тәжірибелі маман екен. Ол әуеде 15 мың сағаттан астам уақыт ұшқан. 

Айта кетейік, Бакуден Грозныйға бара жатқан Azerbaijan Arilines әуекомпаниясының Embraer ұшағы Ақтау қаласы маңына құлаған еді. Соңғы мәліметтер бойынша 38 адам қайтыс болды. Президент Ильхам Әлиевтің тиісті бұйрығына сәйкес, 2024 жылдың 26 желтоқсанында Әзірбайжанда ұшақ апатынан қаза тапқандарды еске алу үшін аза тұту күні жарияланды.

Жаңалықтар

барлық жаңалықтар