Ақтауда хиджаб киген қызды зорламақ болған ер адамды халықтың өзі «жазалады»

Ақтауда хиджаб киген қызды зорламақ болған жігіт ұсталып, халық «жазасын берді», деп хабарлайды Orda.kz.

Бейнежазбаға зер салсақ күдікті мұрнынан қан кетіп жерде жатыр. Куәгерлердің айтуынша, оқиға 11 наурызда түнгі 2:50 болды. Көмек сұраған айқайды естіп, көшедегі адамдар дереу барып, күдіктіні ұстап, полицияға тапсырды.

«Хиджаб киген қызды зорламақ болып, ұрып-соғып, естен таңдырып. Өзі қашып бара жатқанда ұсталды»,
 дейді бейнежазба авторы.

Оқиға орнына полиция дереу жетіп, патруль қызметкері таяқ жеген ер адамды тергей бастады. Маңғыстау облысының полиция департаменті 11 наурызда оқиғаның Ақтау қаласындағы жағалауда болғанын растады.

«Бейнемазмұндағы зорлық-зомбылық әрекеті бойынша 11 наурызда қылмыстық іс қозғалды»,  деп хабарлады Маңғыстау облысы полиция департаментінің баспасөз қызметі.

Күдіктіні полиция ұстап, тергеу изоляторына қамады. Қазір бұл істің тергеуі аяқталып, прокурор арқылы сотқа айыптау қорытындысы жолданды.