Ақша жымқырған қазақстандық Қырғызстан әуежайында қолға түсті

Ақша жымқырған қазақстандық азаматша Қырғызстан әуежайында ұсталып, Қазақстанға экстрадицияланды, деп хабарлайды Orda.kz. 

Қазақстанның Бас прокуратурасы аса ірі алаяқтық жасады деп күдікке ілінген Қазақстан азаматшасын Қырғыз Республикасынан экстрадициялады. 

Ресми дерек бойынша, 2023 жылы ол Алматыдағы банкте клиенттердің шоттарына тіркелген абоненттік нөмірлерін өзгертіп, 5 адамның шотынан ақша ұрлаған. Нәтижесінде жәбірленушілерге 230 миллион теңге шығын келген. 

Күдікті Бішкек әуежайында ұсталып, Қазақстанға экстрадицияланды. Қазір күдікті уақытша ұстау изоляторына қамалды.

Еске салайық, 31 наурыз күні Екібастұз қаласында төтенше жағдайлар басқармасының басшысы пара алғаны үшін сотталған еді.