АҚШ соты олигархтар Клебанов пен Канға қатысты ҰҚК өтінішін қабылдамады

АҚШ-тың Нью-Йорк шығыс округі бойынша федералды соты қазақстандық олигархтар Александр Клебанов пен Сергей Кан қатысқан бизнесті рейдерлік жолмен басып алу ісі бойынша Ұлттық қауіпсіздік комитеті өкілдерінің өтінішін қанағаттандырмады, деп хабарлайды Orda.kz

Қазақстанның Ұлттық қауіпсіздік комитеті өкілдері «ОАЭК» АҚ бұрынғы президенті Еркін Әмірхановтың ісі бойынша соттың юрисдикциясын даулауға тырысты. Өтінішінде адвокаттар ҰҚК қызметкерлері талапкердің мүлкін тәркілеген жоқ деп көрсеткен. Әмірхановтың талап арызында мұны оның іскер серіктестері жасағаны, сондықтан Ұлттық қауіпсіздік комитетінің өкілдері агенттікті жауапкерлер тізімінен шығаруды сұраған.

Алайда судья барлық өтініштерді қабылдамады. Алдын ала тыңдау 22 қыркүйекте өтеді деп жоспарланған.

Еске салайық, АҚШ-тың Нью-Йорктің Шығыс округі бойынша федералды соты қазақстандық миллиардерлер мен Қазақстан Республикасы Ұлттық қауіпсіздік комитетінің өкілдеріне сотқа шақырту жіберген болатын. Сотқа қазақстандық кәсіпкер, Қазақстан Эксимбанкінің директорлар кеңесінің экс-мүшесі және ОАЭК бұрынғы президенті Еркін Әмірханов қатысты. 2017 жылы ол Forbes журналының нұсқасы бойынша Қазақстанның ең бай 50 бизнесмені рейтингіне енді.

Сот ісі 2018 жылғы сенсациялық оқиғалардың біріне айналды, сол кездегі айыптау нәтижесі бойынша Әмірханов қамауға алынды. Содан соң оқиға Әмірхановтың ЦАТЭК  акцияларымен қоштасып, тек Эксимбанктің бақылау пакетін ұстап қалуымен аяқталды. Ұлттық банктің мәліметінше, банк лицензиясының қазір күші жойылған.

Еске сала кетейік, Әмірханов 2017 жылдың мамыр айында пара алды деген күдікпен қамауға алынған болатын. «ЦАТЭК» АҚ акцияларын сатып алу-сату шарттарына қол қойылғаннан кейін және Эксимбанктің қарыздары бойынша келісімдер қабылданғаннан кейін арыз кері қайтарып алынып, іс тоқтатылды.