АҚШ Мемлекеттік департаменті USAID агенттігінің таратылғанын ресми түрде жариялады

28 наурызда АҚШ Мемлекеттік департаменті Конгресті USAID - АҚШ Халықаралық даму агенттігінің таратылғаны туралы ресми түрде хабардар етті. Бұл ретте Мемлекеттік департамент агенттік функцияларының бір бөлігін өзіне алады, деп хабарлайды Orda.kz CNN-ге сілтеме жасай отырып.

Қайта ұйымдастыру 1 шілдеге дейін жүргізіледі. Басылым бұл жаңалықты «USAID үшін жерлеу дабылы» деп атады.

Reuters хабарлағандай, USAID қызметкерлері арасында таратылған қызметтік жазбада агенттіктің заңда көрсетілмеген барлық лауазымдары «жойылады» делінген.

Бүкіл әлем бойынша USAID қызметкерлері жақын арада осы шешім туралы хабарламасы бар электрондық хаттарды алады. Қызметкерлерге 1 шілдеде немесе 2 қыркүйекте жұмыстан жаппай кету мүмкіндігі беріледі.

Алдағы үш айдың ішінде Мемлекеттік департамент «USAID-дің көптеген міндеттері мен оның ағымдағы бағдарламалары үшін жауапкершілікті өз мойнына алуға ниетті.

USAID қызметкерлері автоматты түрде «жеке және тәуелсіз жалдау процесін» жүргізетін Мемлекеттік департаментке ауыстырылмайды.

АҚШ президенті Дональд Трамп өз жарлығымен USAID-тің қызметін көп жылдық қаржының тиімсіз жұмсалуына байланысты тоқтатты. Агенттіктің Қазақстанда қандай жобаларды қаржыландырғаны және енді кім америкалық грантсыз қалатыны туралы біз осы жерде  егжей-тегжейлі айтып өттік.

Халықаралық даму агенттігі (USAID) қызметкерлерінің мүддесін қорғайтын кәсіподақтардың талап арызына жауап ретінде федералды судья Карл Николс «өте шектеулі» уақытша шешім шығарды.

Бұған дейін АҚШ-тың мемлекеттік хатшысы Марко Рубио АҚШ халықаралық даму агенттігінің басшысы қызметін қоса атқаратынын мәлімдеді.

Сонымен қатар Илон Маск USAID-ті COVID-19 дамуын қаржыландырды деп айыптады.