АҚШ мемлекеттік департаменті Қазақстан және тағы 74 ел үшін иммиграциялық виза беруді тоқтатты

АҚШ мемлекеттік департаменті 21 қаңтардан бастап иммиграциялық визалар беру уақытша тоқтататылатынын растады, деп хабарлайды Orda.kz. 

Ведомствоның мәліметінше, «бұл шара уақытша және америкалық тарап иммиграциялық өтініштерді өңдеу тәртібін қайта қарауды аяқтағанға дейін белгісіз мерзімге дейін қолданылады».

Мекеме өкілдері әлеуметтік көмекке тәуелді болу қаупі бар тұлғаларға елге кіруге шектеу қойылатынын мәлімдеді.

Fox News дерегінше, АҚШ-тың дипломатиялық өкілдіктеріне әлеуметтік тәуелділік қаупі жоғары үміткерлерге виза беруден бас тарту жөнінде нұсқаулық жіберілген. Шешім қабылдау кезінде консулдық қызметкерлер келесі факторларды ескеретін болады:

• денсаулық жағдайы,
• жасы,
• ағылшын тілін білу деңгейі,
• қаржылық жағдайы,
•  ұзақ мерзімді медициналық күтімге мұқтаж болу ықтималдығы.

Сонымен қатар, мемлекеттік департамент адамның АҚШ-тың әлеуметтік бағдарламалары есебінен өмір сүруі мүмкін деген негіздер болған жағдайда, оны елге кіруге жарамсыз деп тану құқығын белсендірек қолданбақ. 

Айта кетейік, Трамп өзін «Педофилдердің қорғаушысы» деп атаған Ford жұмыскерін балағаттады.

Тақырыпқа сай оқи отырыңыз:

• АҚШ билігі 43 мемлекеттің азаматтарына елге кіру ережелерін қатаңдатты
• Қазақстан Neo Nomad цифрлық көшпенді визасын енгізді
• Қазақстан жаңа инвесторлық виза енгізеді
• Қазақстан әлемнің 26 елімен өзара визасыз режимді енгізуге мүдделі