АҚШ Қарулы Күштері Латын Америкасындағы есірткі картельдеріне әуе шабуылын бастайды

АҚШ қарулы күштері жақын арада есірткі картельдеріне қарсы күрес аясында Латын Америкасындағы жер бетіндегі нысаналарға әуе шабуылын бастайды. Бұл туралы АҚШ президенті Дональд Трамп Мемлекеттік департаментте өткен салтанатты қабылдауда мәлімдеді, деп хабарлайды Orda.kz  шетелдік БАҚ-қа сілтеме жасап.

Оның айтуынша, Вашингтон есірткі тасымалына қарсы күресте «өте қатаң позиция ұстанып» тұр, соңғы уақытта АҚШ-қа теңіз арқылы келетін есірткі көлемін  94% -ға төмендетуге қол жеткізілді.

«Енді біз құрлықтағы процесті бастаймыз: біз олар жасырынған әрбір бағытты, әрбір ғимаратты білеміз», - деп атап өтті Трамп, соңғы бір жылда АҚШ-та есірткі салдарынан 300 мыңға жуық адам қаза тапқанын еске салып. 

Президент жаңа шаралар есірткі картельдері инфрақұрылымын толық жоюға және азаматтарды есірткі қаупінен қорғауға бағытталғанын атап өтті.

15 қыркүйекте АҚШ президенті Дональд Трамп Кариб теңізінің халықаралық суларында екінші кемеге соққы берілгенін мәлімдеді. Оның айтуынша, бұл шағын кеме Венесуэлаға тиесілі болған және АҚШ-қа есірткі тасымалдап бара жатқан.

Еске салсақ, қазан айында АҚШ-тан Алматыға есірткі тасыған ұлттық қауіпсіздік қызметкерлері анықталды.

Сонымен қатар елімізде есепті кезеңде есірткімен аналысатын 15 ұйымдасқан қылмыстық топ жойылды.