Ақмола облысында 14 жастағы қызды пышақтап өлтірді

Ақмола облысында 14 жасар қыз баланы пышақтап, қатыгездікпен өлтірді, деп хабарлайды Orda.kz.       

«Ынтымақ ауылында 14 жасар ауыл тұрғыны пышақ жарақатынан қайтыс болды. Адам өлтіру фактісі бойынша қылмыстық іс қозғалды. Күдіктінің жеке басы дереу анықталды. Қазіргі уақытта оны жедел ұстауға бағытталған кешенді жедел-іздестіру іс-шаралары жүргізілуде», - деп хабарлады Ақмола облысы полиция департаментінің баспасөз қызметі. 

Ведомство «сотқа дейінгі тергеу шеңберінде болған оқиғаның барлық мән-жайлары анықталады» деп сендірді.

«Тергеу барысы полиция департаменті басшылығының ерекше бақылауында. Тергеу мүддесіне сай өзге ақпарат жарияланбайды. Азаматтарды тек ресми ақпарат көздеріне ғана сенуге және шындыққа сәйкес келмейтін ақпаратты таратпауға шақырамыз», - деп толықтырды полиция қызметкерлері.

Кеше  Алматы гарнизонының әскери прокуратурасында бас сүйегі сынған, үш жерден пышақталған және барлығы жиырма алты жарақат алған сарбаз Алмас Шахимовтың өліміне қатысты сот отырысы өтті.

Үш күн бұрын дәрігерлер ауруын елемеген қауіпті, шизофрениямен ауыратын ер адам көршісін 27 рет пышақтап  тастады.

Жыл басында 6 баласы бар жүкті келіншек 12 жасар қызын пышақтағаны үшін 6 жылға сотталды.