Аймағамбетов оқушылармен кездесуде маңызды мәселелер туралы айтты

cover Фото: Егемен

Білім және ғылым министрі Асхат Аймағамбетов Қазақстанның барлық өңірінен келген 500 оқушымен онлайн кездесу өткізді. Әңгіме барысында министр бірнеше маңызды мәселелер туралы айтты.

Министр, сәтсіздіктен қорықпаудың қаншалықты маңызды екендігі туралы нұсқаулар берді.

– Кейде қателіктер бір нәрсені үйренудің жалғыз жолы болады. Қазір әрбір адам тек жетістіктері мен табыстарын көрсететін үрдіс бар. Ал балаларымыз кедергілерге, қателіктерге немесе сәтсіздіктерге тап болған кезде олар тез бұзылады. Оларға өмір жолы тек табыстан тұратындай көрінеді, - деді Білім және ғылым министрі Асхат Аймағамбетов.

БҒМ басшысы мысал ретінде Майкл Джордан мен Дэвид Бекхэмнің әңгімелерін келтірді.

– «Жетістікке жету үшін 300 ойында жеңілдім» деген Майкл Джорданды еске сала кетейін немесе өзінің әйгілі айып добын салу үшін мыңдаған, миллиондаған соққылар жасаған Дэвид Бекхэм туралы да айтуға болады. Бірнеше сәтсіздіктерден кейін жаңа технологияларды ойлап тапқан Дайсон да осылардың қатарында.

– Сондықтан, сәтсіздіктермен, қателіктермен, мәселелермен кездескенде, сіз оларды қабылдауыңыз керек және қорықпауыңыз керек. Өйткені қателер кез келген оқудың ажырамас бөлігі болып табылады. Ең бастысы - қорытынды жасау, - деді ол.

Жаңалықтар

барлық жаңалықтар