Адвокаты Перизат Қайратты кінәсіз деп әлек, ал прокурор үкімді өзгертпеуді сұрады

Астанадағы апелляциялық сотта Перизат Қайрат пен оның анасы Ғайни Алашбаеваның ісі қаралды. Апелляцияда адвокат айыпты жоққа шығарып, Перизат Қайраттың қайырымдылық қызметін атап өтсе, прокуратура жазаны өзгеріссіз қалдыруды сұрады, деп хабарлайды Orda.kz. 

Қорғаушысы Асланбек Дәулетяров оларды алаяқтық пен қайырымдылық қоры арқылы ақша жымқыруға қатысты айыптайтын нақты дәлел жоқ екенін мәлімдеді.

Оның сөзінше, айыптау тарапының айғақтары бір-біріне қайшы келеді.

Сонымен қатар, Адвокат соттан үкімді жоюды, айыпталушыларды барлық баптар бойынша ақтауды және азаматтық талап-арыздарды қанағаттандырмауды сұрады.

Алайда Астана қаласы прокурорының көмекшісі Индира Жұмағалиқызы апелляциялық шағымдағы уәждерді «негізсіз» деп атап, Перизат Қайрат пен оның анасына қатысты үкімді өзгеріссіз қалдыруды талап етті.