Әділетхан Молдахан 10 күнге қамалды

Заңгер Әділетхан Молдахан 10 тәулікке қамалды, деп хабарлайды Orda.kz.

Алматы қаласының тергеу соты блогер әрі заңгер Әділетхан Молдаханды 10 күнге қамағаны туралы оның адвокаты Мұхаммед Әлиосманұлы хабарлады. 

«Кеше ғана тергеу соты өтті. Әділетхан Молдаханды тергеу соты 10 тәулікке прокуратураның өтініш хатын қолдап, оны қамауға алды. Заңсыз, негізсіз. Біз қазір апелляцияға дайындалып жатырмыз. Шағымды дайындап жатырмын. Әділдік болады деп ойлаймын», – деді адвокат желідегі парақшасында. 

Айта кетейік, 30 наурызда Әділетхан Молдаханның ұсталғаны белгілі болған еді. Ол бұған дейін әлеуметтік желіде Алматыдағы әл-Фараби даңғылында үш адамның ажалына себеп болған жол-көлік оқиғасын баяндап, пікірін жариялаған. Заңгер түнгі қалада автокөлікпен жарыс ұйымдастыруға құқық қорғау органдары қызметкерлерінің қатысы болуы мүмкін деп мәлімдеген.

Оқи отырыңыз:

• Қазақстанда 2025 жылы 1000-нан астам жол апаты тіркелген
• Теріс діни топ өкілдерінің жеке балабақша ашуына тосқауыл қою керек — Абзал Құспан
• Мемлекеттік құпияларды қорғау талаптары күшейтілді