Абай облысында анасы қонақ күтемін деп бес айлық баласын өлтіріп алды

Абай облысында тұмаумен ауырған бес айлық қыз бала көз жұмды. Нәресте ауырып жатқанда анасы қонақ күтіп жүрген, деп хабарлайды Orda.kz. 

Патологоанатом Жансая Советханның айтуынша, кішкентай қыз үйінде ыстығы көтеріліп ауырады. Анасы үйде қонақтар болғандықтан, баланы ауруханаға дер кезінде апармаған. Сөйтіп бес күн бойы өзінше ем жасап, ыстық түсіретін дәрі бере берген. 

Алайда, бесінші күні нәрестенің жағдайы күрт нашарлап кеткен. Сағат 16:30-да жедел жәрдеммен ауруханаға жеткізілген бала бірден жансақтау бөліміне түседі. Өкінішке қарай, ол сағат 20:00-де көз жұмды.

Айта кетейік, Ерейментауда күрес кезінде клиникалық өлімді бастан кешкен 15 жастағы бала жан тапсырды.