«70 млн теңге»: Жамбыл облысындағы әкімдер бітпеген жол үшін ақша аударған

Жамбыл облысындағы әкімдер толық бітпеген жолға ақша аударған, деп хабарлайды Orda.kz. 

Әкімдер төселген жолды талапқа сай тексермей, қомақты қаражатты бере слаған. Жолға берілетін ақша көлемі 70 миллион теңгеге жуық болған. Меркі ауданындағы үш ауылдың әкімі 20 көшені тендер арқылы жөндеткен.

Антикор мамандары жолдың сапасыз екенін анықтады. Мердігерлер жолды жұқа төсеп, соңына дейін жеткізбей ұзындығын да қысқартып қойған.

Ақтоған, Ақермен және Сарымолда ауылдары әкімдерінің әрекеті қаралып, қатаң сөгіс берілді.