3,5 млрд теңге мен 109 том: Перизат Қайрат ісі прокуратураға жолданды

«Biz Birgemiz Qazaqstan» қорының басшысы Перизат Қайрат пен оның анасы Ғайни Алашбаеваға қатысты қылмыстық іс бойынша тергеу аяқталды. Іс айыптау актісімен бірге Бас прокуратураға жолданды, деп хабарлайды Orda.kz.

2025 жылғы 19 наурызда күдіктілер мен олардың қорғаушылары 109 томнан тұратын іс материалдарымен таныса бастады.

Тергеу мәліметінше, Перизат Қайрат мемлекетке 3,5 млрд теңге көлемінде шығын келтірген. Ұрланған қаржыға сатып алынған 865 млн теңгенің мүлкіне тыйым салынды.

«Biz Birgemiz Qazaqstan» қорының басшысы ретінде ол миллиардтан астам теңгені қолма-қол ақшаға айналдырып, жеке қажетіне жаратқан», — деп хабарлады Қаржы мониторинг агенттігі.

Кінәсін мойындамаған Перизат Қайраттың анасы Ғайни Алашбаева қазір үйқамақта отыр.