24 миллионға отбасын татуластыру орталығы ұйымдастырылады

Елордадағы отбасылық жанжалдарды шешуге 24 млн жұмсауға шешім қабылданды. Лот Мемлекеттік сатып алу сайтында жарияланды.

Бұл туралы Orda.kz хабарлады.

Қаражатқа жаңа орталық салынбайды, тек түрлі іс-шаралар ұйымдастырылады. Сот ісін болдырмау үшін ерлі-зайыптылардан жанжалды медиация арқылы шешу сұралады. Орындаушыға қойылатын талаптардың техникалық сипаттамасынан біз бұл орталықтың басты мақсаты соттың ауыртпалығын азайту емес, салауатты неке мен отбасылық құндылықтарды насихаттау болады деген қорытындыға келеміз.

Тапсырыс берушінің өтініші бойынша орталық жылына кемінде 300-ге жуық келіспеушілікті қарайды. Бұл қаржыға тек 50 шаршы метр бөлме жалға алынады. Көмек тікелей де, онлайн да көрсетілетін болады. Оларға «сенім телефондарын» ұйымдастыруға тура келеді.

Орталық отбасына қатысты әр түрлі тақырыпта түрлі семинарлар өткізуді жоспарлап отыр (жылына кем дегенде 10). Әр шарадан кейін видеолар шығып отырады.

Сондай-ақ, орындаушының міндеттеріне отбасы институтының құндылығы және некені сақтау туралы әртүрлі бейнематериалдар мен иллюстрациялық материалдар жасау кіреді. Тренингтер, кездесулер және басқалары, жеке фирмалық кеңсе тауарлары, баннерлер және т.б.

Орталықтың жұмысы әлеуметтік желілерде қамтылып, оның жарнамалары қала көшелеріне ілінеді.