2024 жылы 55 мың адам Қазақстан шекарасында заң бұзған — ҰҚК

2024 жылы Қазақстан шекарасында 55 мың адам заң бұзғаны үшін жауапқа тартылды, деп хабарлайды Orda.kz.

ҰҚК мәлімдемесіне қарасақ, шекара кеңістігінде 55 мыңнан астам Қазақстан Республикасы заңнамаларын бұзғаны үшін жауапкершілікке тартылды, соның ішінде 324 шетел азаматы шекараны бұзғаны үшін ұсталды. 383 шетел азаматының шекараны бұзу әрекетінің жолы кесілді. 

Мемлекеттік шекара арқылы 15 041 заңсыз алып өту фактілерінің алды алынды:

• 451 – есірткі заттары (2 тонна 300 келіден астам);
• 886 – қару мен оқ-дәрілер;
• 455 – діни әдебиет (24 087 дана);
• 5 283 – 160 млн теңгеден асатын жанар-жағармай материалдары;
• 6 086 – 70 млрд теңгеден астам халық тұтыну тауарлары;
• 1 880 – 19 млрд теңгеден астам шетел валютасы.

Сондай-ақ, Каспий акваториясында 390 браконьерлік фактінің алды алынды. 

«196 дана жүзу құралдары, жалпы ұзындығы 536 шақырым тор болатын браконьерлік аулау құралдары,
1 994 дана (11 379 келі) бекіре тұқымдас балықтар,
87 814 дана (98 296 келі) ұсақ тұқымдас балықтар,
117 дана итбалық тәркіленді. Алды алынған залал сомасы 4,6 млрд теңге болды.
Бұл фактілер бойынша материалдар бұзушыларды жауапкершілікке тарту үшін құқық қорғау және сот органдарына жіберілді»,  деп мәлімдеді ҰҚК баспасөз қызметі.