Жылу маусымына 146 млрд теңге жұмсалды

Бүгінде Қазақстанда жылыту маусымына 146 млрд теңге жұмсалды.

Бұл туралы энергетика министрлігі Ядролық және энергетикалық қадағалау және бақылау комитеті төрағасының орынбасары Илья Рожков мәлімдеді.

Рожков ЖЭО апаттарға қарамастан, төмендетілген параметрлермен болса да, тұрғындарды жылумен қамтамасыз ете алғанын атап өтті.

«Степногорск, Ақтау, Балқаш қалаларындағы жылу желілерінің бүлінуіне келсек, онда біз тиісті министрлік ретінде энергия көздері мен электр желілерін қадағалаймыз. Ал жылу желілері әкімдіктер мен Индустрия министрлігінің құзырында. Дегенмен, Ақтауда жылу желілерінің зақымдануы шынымен де анықталды. Жөндеу жұмыстары жедел жүргізілді. Қазірдің өзінде жылу желісі толтырылуда» деп түсіндірді энергетика министрлігінің өкілі.

Оның айтуынша, жылу беру маусымына дайындық жұмыстарына 146 млрд теңге бөлінген.

«Дайындық өте жоғары деңгейде өтті. Үлкен көлемде қаржыландыру жұмсалды – биыл шамамен 160 млрд теңге, оның ішінде 16 млрд-қа жуығы жылу электр станцияларының иелері. Үкімет резервінен тағы 20 миллиард бөлінді. Бұл қаражаттың барлығы сенімділікті арттыруға жұмсалды» деп жалғастырды шенеунік.

Рожковтың айтуынша, жөндеу жұмыстары ауыр зардаптарды болдырмауға мүмкіндік берді. Бұл ретте ол заңбұзушылықтардың бар екенін, бірақ соған қарамастан бүгінгі күні барлық тұтынушылар жылу энергиясымен қамтамасыз етілгенін мойындады.