Журналист Асылхан Мамашұлы «Қайрат» «Реал Мадридті» 3:0 есебімен жеңсе пәтер сыйлайтынын айтты

Журналист Асылхан Мамашұлы Қайрат футбол клубының әр ойыншысына пәтер сыйлауды уәде етті, деп хабарлайды Orda.kz.

Журналист Асылхан Мамашұлы 30 қыркүйекте болатын «Қайрат» пен «Реал Мадрид» матчында алматылық клуб 3:0 есебімен жеңіске жетсе, барлық футболшыларға пәтер сыйлайтынын айтып уәде етті.

«Баян Алагөзованың кәсіпкер күйеуі  Қайраттың ойыншылары Реалды жеңетін болса әрқайсысына көлік мінгізуге уәде беріпті. Мұндай бастаманы естіп, қалай жай отыруға болады? Егер Қайрат Реалды 3:0 боп ұтатын болса, мен де әр ойыншыға пәтер сыйлаймын», — дейді Асылхан Мамашұлы.

Айта кетейік, танымал кәсіпкер Тұрсынғали Алагөзов 30 қыркүйекте болатын «Қайрат» пен «Реал Мадрид» матчында алматылық клуб жеңіске жетсе, барлық футболшыларға көлік сыйлайтынын айтты.