Жұмысcыз қалған генерал Боливия президентіне шабуыл жасады

27 маусымға қараған түні Боливияның астанасы Ла-Пастағы президент сарайына жұмыстан босатылған генерал Хуан Хосе Зунига бастаған әскерилер төңкеріс ұйымдастырды. 

Бұл туралы Боливия ішкі істер министрлігі хабарлады.

Президент Луис Арсеге қарсы төңкерісті жұмыстан босатылған генерал Хуан Хосе Зунига бастаған әскерилер ұйымдастырды. 

Ол «әскерилер демократиясыз өмір сүруден шаршағанын» айтып, экс-президент Жанин Анесті түрмеден босатуды талап етті. Ол төңкеріс жасады деген айыппен қамауға алынды.

Алаңды бес сағаттан астам уақыт жаулап алған әскерилерді басқарған генерал Хуан Хосе Зунига ұсталды. Оған қарулы көтеріліс жасады және президентке қастандық жасады деген айып тағылды. Сондай-ақ төңкеріс әрекетіне қатысы бар деген күдікпен Боливия әскери-теңіз күштерінің бұрынғы қолбасшысы Хуан Арнес Сальвадор да ұсталды.

Генерал Зунига қолбасшылығындағы әскери бөлімшелер президент сарайы мен парламент орналасқан Ла-Пастағы орталық алаңды басып алды. Куәгерлердің айтуынша, броньды көлік президент сарайының есігін қағып, содан кейін сарбаздар ішке кіріп кеткен.

Сарайда болған Боливия президенті Луис Арсе әскерилерді төңкеріс жасамақ болды деп айыптады. Бұл әрекет салдарынан, биліктің мәліметінше, тоғыз адам зардап шекті.