Жолаушының қылжағына бола әуежайдың жұмысы тоқтап, бүкіл Атырау әуре-сарсаңға түсті 

Атырау әуежайында жолаушылардың біреуі тіркеу кезінде қол жүгінде жарылғыш зат бар екенін мәлімдегеннен кейін әуежай жұмысы уақытша тоқтатылды, деп хабарлайды Orda.kz.

 Атырау облысының полиция қызметкерлері мен ҰҚКД жолаушыларды эвакуациялап, терминалды қоршап алып, шұғыл қызметтерді шақырған. Тексеру қауіпсіздік бойынша алаңдайтын негіз жоқ екенін көрсетті.

«Қылжақбас» жарылыс туралы жалған хабар бергені үшін жауапқа тартылады. Бұл туралы құқық қорғау органдарынан ресми түсініктеме күтеміз.

Тамызда Атырау әуежайында ұшақ бортындағы бомба туралы мәлімдеген құшағында нәрестесі бар әйел жұрттың зәресін ұшырған болатын.