Жол ережесін бұзған мопед жүргізушілері бас бостандығынан айырылуы мүмкін

Қазақстанда жол ережесын бұзған мопед жүргізушілеріне қатысты қылмыстық жаза екі есе күшейтіледі. ҚК түзетулер 2025 жылғы 5 сәуірден бастап қолданысқа енгізілді, әкімшілік жауапкершілік те күшейтіледі, деп хабарлайды Orda.kz.

10 жыл бас бостандығынан айыру - бұл ең жоғарғы жаза. Ол абайсызда екі немесе одан да көп адамның өліміне әкеп соқтырған жол қозғалысы ережелерін бұзғаны үшін (ҚК-нің 345-бабының 4-бөлігі) беріледі.

Жалпы ҚК-нің 345-бабы бойынша жағдай мынадай:

• ЖКО-да денсаулыққа орташа ауырлықтағы зиян келтіру - 40 тәулікке дейін қамауға алу;

• денсаулыққа ауыр зиян келтіру - 2 жылға дейінгі мерзімге бас бостандығынан айыру;

• адам өлімі - 5 жылға дейінгі мерзімге бас бостандығынан айыру.

Жоғарыда аталған әрекеттер үшін автомобильді, троллейбусты, трамвайды немесе басқа да механикалық көлік құралын жүргізетіндерге де дәл осындай жаза беріледі. 

Бірақ нақты айтқанда мопед жүргізушілеріне 2025 жылдың 5 сәуіріне дейін ондай жаза қолданылған жоқ.

Олар дәл сол үшін ҚК-нің 104-бабы «Абайсызда кісі өлтіру» және 114-бабы «Денсаулыққа абайсызда зиян келтіру» бойынша жазаланды. Сонымен қатар ол екі есе жеңіл болды: 40 тәулік қамаудың орнына - 20, 2 жыл орнына - бір жыл, 5 жыл орнына – үш жыл берілетін.

Өйткені мопед жүргізушілері ҚК-нің 345-бабында көзделген ықтимал құқық бұзушылық субъектілері тізімінде болған жоқ. Мопед - автомобиль немесе трамвай емес екені түсінікті, бірақ ол тізбесі ҚК-нің 3-бабының 8) тармағында келтірілген «басқа механикалық көлік құралдары» қатарына жатқызылмады.