Жезқазғандағы Медет Исламның ісі бойынша айыпталушыларға сот үкімі шықты

Жезқазған қаласының орталығында Медет Исламды бес жерден пышақтап кетті деп танылған сотталушыларға сот үкім шығарды, деп хабарлайды Orda.kz.

Бұл оқиғаны марқұмның туыстары «Шерзат ісіне» теңеген болатын. Ал сотталушылардың жаза мерзімі 1 жыл 6 айдан бастап, 17 жылға дейін созылды.

• Қайрат Жұмабекұлы Заманғожин – 17 жылға;
• Азамат Ибрагимұлы Балтабай – 2 жыл 6 айға;
• Рысбек Дүйсекұлы Совет – 2 жыл 6 айға;
• Темірлан Мұратович Абылғазиев – 1 жыл 3 айға;
• Азамат Мұхамедұлы Маразаров –  1 жыл 3 айға;
• Азат Бекзатұлы Бектас – 1 жыл 3 айға сотталды.

Айта кетейік, 2023 жылы 13 қыркүйекте Жезқазған қаласының орталығында 35 жастағы Медет Исламды бес жерінен пышақтап кеткен еді. Ол оқиға орнында көз жұмды. Қанды оқиғаға Жезқазғанда «Арнатовтықтар» деген атпен танылған ұйымдасқан қылмыстық топтың 12 мүшесі қатысқан.

Еске сала кетейік, Алматы әуежайында қызметкер қызды кепілдікке алған Машрапбек Баратов 11 жылға сотталды.