Жетісу облысында 7 жайлы мектеп салынады

Облыста «Жайлы мектеп» жалпыұлттық жобасы аясында 6600 орындық 7 мектеп салу жоспарлануда, бұл мақсатқа республикалық бюджеттен 40,2 млрд теңге бөлінді, деп хабарлайды Orda.kz. Жетісу облысы әкімінің баспасөз қызметіне сілтеме жасап. 

Облыстық білім басқармасының мәліметінше, 2023 жылы 1800 орындық екі мектептің құрылысы басталды: Алакөл ауданы Достық ауылында 600 орындық және Панфилов ауданы Жаркент қаласында 1200 орындық мектепке Республикалық бюджеттен 4,2 млрд теңге бөлінді.

«Осы уақытта мердігерлер анықталды. Достық ауылындағы мектепті «ВентҚарқараСервис» ЖШС салады, құрылыс алаңын орнатуға дайындық жұмыстары жүргізілуде. Ал Жаркенттегі мектепті «BI Global» ЖШС салады, онда іргетастың шұңқырын, іргетасын, телекоммуникация және су құбыры желілерін салу жұмыстары басталды»  деп атап өтті тиісті бөлім.

Сондай-ақ тағы 5 мектеп құрылысына жер телімдері бөлінді, жұмыс биыл басталады деп жоспарлануда. Нәтижесінде Үшарал қаласында, Алакөл, Үштөбе, Қаратал аудандарында әрқайсысы 600 орындық жайлы мектептер, Талдықорғанда жалпы сыйымдылығы 3600 орындық 3 мектеп бой көтермек.

Айта кетерлігі, барлық 7 мектептің магистральдық инженерлік-коммуникациялық желілері құрылысына жобалық құжаттаманы әзірлеуге жергілікті бюджеттен 52,2 миллион теңге бөлінген. Жобалық құжаттаманы әзірлеу жалғасуда, жобалар ағымдағы жылдың сәуір айының соңына дейін дайын болады.