«Жеңістің 80 жылдығы»: Путин Тоқаевқа қоңырау шалды

Путин Тоқаевқа Ресей мен АҚШ арасындағы келіссөздердің егжей-тегжейлері туралы айтып берді, деп хабарлайды Orda.kz.

Кремль екі ел басшысының телефон арқылы сөйлескені туралы мәлімдеді.

Сонымен қатар, Ресей президенті мен Қазақстан басшысы энергетика саласындағы ынтымақтастықты, бұрынғы келісімдерді және алдағы кездесулер кестесін талқылады.

«Президенттер алдағы  жеңістің 80 жылдығының маңыздылығын атап өтті»,  деп мәлімдеді Кремль.

Қасым-Жомарт Тоқаев осыған орай Мәскеуде өтетін мерекелік шараларға қатысады.

Еске салайық, бұған дейін жеңістің 80 жылдығына арналған шеруге Қазақстанның 2,5 млрд теңге жұмсайтыны айтылды. 

Сонымен қатар, Orda.kz Ресей президенті Владимир Путин «Казахстанская правда» газетіне берген сұхбатында Қасым-Жомарт Тоқаев пен қазақстандық достарын жеңістің 80 жылдығына арналған мерекеге шақырғаны жайлы жазды. Ал Astana Think Tank форумының қорытынды отырысында Тоқаев «Ресейдің Украинадағы соғыста жеңілмейтінін» айтқан болатын.