«Жемқорлық пен саяси адалдық»: Си Цзиньпин жоғары лауазымды генералдарды қызметінен босатты

Қытай Халық-азаттық әскерінің жоғарғы басшылығында өзгерістер болып жатыр. Өткен демалыс күндері генералдар Чжан Юся мен Лю Чжэньли қызметтен босатылды. Бұл ел ішінде билік үшін күрес күшейіп келе жатқанын көрсетеді, деп хабарлайды Orda.kz. 

Қытай әскерінде Си Цзиньпин дәуіріндегі ең ауқымды ауыс-түйіс кезеңі өтіп жатыр. Жоғары лауазымды генералдардың көпшілігі қоғамдық назардан ғайып болуда. Кейбірі ресми түрде орнын босатты. 2023 жылдың ортасында басталған сыбайлас жемқорлыққа қарсы науқан қорғаныс министрлерін, қолбасшыларды және қарулы күштерді басқаратын Орталық әскери комиссияның бірнеше мүшесін қызметтен шығаруға дейін жеткізді. Осылайша Си Цзиньпин бірнеше жыл бұрын қалыптастырған басшылық құрылымын әлсіретті. Осыған байланысты енді Қытайдың әскери қабілеті қалай болмақ деген сұрақ туындайды. 75 жастағы Чжан Юся Қытай көшбасшысы Си Цзиньпин басқаратын, қарулы күштерді қадағалайтын партиялық құрылым — Орталық әскери кеңестің (ОӘК) төрағасының орынбасары қызметін атқарған. Қаңтар айының басында генералдың тергеліп жатқаны айтылды. Ақыры ол қызметінен кетті. 

Әдетте құрамында жеті адамға дейін болатын ОӘК-те қазір небәрі екі адам қалды — Си Цзиньпиннің өзі және генерал Чжан Шэнминь.

Бұл жерде әңгіме тек сыбайлас жемқорлыққа ғана емес саяси адалдыққа  да келіп тіреледі. Мұның билікке әсері бар ма және Сидің Халық-азаттық әскері 2027 жылға дейін әлемдік деңгейдегі әскери күшке айналдыру жоспары қазіргі кестеге сәйкес жүзеге аса ала ма, ол жағы әзірге белгісіз. Айта кетері, ОӘК миллиондаған әскери қызметкерді бақылауға жауапты.

Сарапшы Лайл Морристің айтуынша, кеңесте тек Си Цзиньпин мен бір ғана генералдың қалуы — бұрын-соңды болмаған жағдай.

Айта кетейік, Оңтүстік Кореяның бұрынғы бірінші ханымы сыбайлас жемқорлық үшін сотталды.