«Жауыз емеспін». Актер Асқар Жұмабек даулы оқиға туралы өз нұсқасын айтты

Актер Асқар Жұмабек түсірілім алаңында болған жанжалға байланысты өз пікірін білдірді. Оның айтуынша, ол әріптесі Айнұрға қол көтермеген, деп хабарлайды Orda.kz.

Оның сөзінше, жанжал түсірілім уақытына байланысты басталған. Ол түнгі түсірілімнен таңғы төрт жарымда үйіне келгенін, қатты шаршағанын айтады. Сондықтан, өзі Айнұрдан таңғы 8:30-да оятуды сұраған. 

«Мен 9:55-те келдім, кешіккен жоқпын. Бірақ маған бірден претензия айтыла бастады», — дейді актер.

Оның сөзінше, әңгіме барысында Айнұр «сіз үнемі кешігесіз» деген сөз айтқан. Осыдан кейін жанжал ушығып, екі тарап бір-біріне ауыр сөздер айтқан.Жұмабек оқиға кезінде ашуға беріліп, студиядан кетіп қалғанын жеткізді. Ол өз әрекетін мойындай отырып, эмоцияға берілгенін жасырмайды, бірақ физикалық күш қолданбағанын тағы да атап өтті.

«Чемоданды теуіп,  боқтап шығып кетіп қалған кезім. Мен чемоданды тептім, біріншіден. Оны емес. Қателеспеңіздер. Мен қыз баласын ұрып немесе теуіп ондай жауыз емеспін», — деді ол.

Сондай-ақ актер Айнұрдың айтқандарын «жала» деп бағалап, бұл жағдайды жай қалдырмайтынын айтты.

Оқи отырыңыз: 

• Бұрын сотталған Асқар Жұмабек түсірілімде әріптесіне қол көтермек болған
• Актер Асқар Жұмабек абақтыдан шықты