Жасанды интеллект тергеуі: Жасөспірімдер жалған төлемдермен сауда жасаған

Елімізде жасөспірімдер кәсіпкерлерді алдау үшін жасанды интеллектті пайдаланып жалған төлем түбіртегін шығарып, соны көрсету арқылы сауда жасаған, бұл іс бойынша полиция тергеу бастады, деп хабарлайды Orda.kz.       

Жетісу облысында үш жасөспірім жасанды интеллект технологияларын пайдаланып, жалған банк чектерін жасап, дүкен сатушыларын алдаған. Олар қолдан жасалған электронды түбіртектердің көмегімен тауарларды бірнеше рет «сатып алып», іс жүзінде нақты төлем жасалмаған. Бұл туралы өңірлік прокуратураның баспасөз қызметі хабарлады.

Алаяқтық схемасы кәсіпкерлердің өтініштерінен кейін әшкереленді. Олар сатып алушылар көрсеткен чектер мен банк шоттарына нақты түскен қаражат арасындағы сәйкессіздіктерді байқаған. Осыдан кейін сауда орындары иелерінің арызы бойынша бірнеше рет жасалған алаяқтық фактісі бойынша сотқа дейінгі тергеп-тексеру басталды.

Жетісу облысының прокуратурасы кәсіпкерлер мен сатып алушыларды барынша мұқият болуға шақырып, төлемді тек ресми банк қосымшалары арқылы тексеруге, ал экранда көрсетілген скриншоттар мен электронды чектерге сенбеуге кеңес берді.

Еске салсақ, былтыр Бас прокурор Берік Асылов депутаттық сауалға берген жауабында Қазақстанда интернет-алаяқтық 25%-ға артқанын  айтты.

Оқи отырыңыз:

• Қазақстан үшін «мұнайдан жеңіл табыс» дәуірі аяқталды — саясаттанушы
• Қазақстандықтар шетелмен де трансшекаралық QR-төлем жасайды
• 2026 жылдың алғашқы 10 күнінде 66 мың қазақстандық өзін-өзі жұмыспен қамтыған