Жасанды интеллект министр болып тағайындалды

Албанияда жасанды интеллект министр болып тағайындалды. Бұл жайлы елдің премьер-министрі Эди Рама мәлімдеді, деп хабарлайды Orda.kz. 

Politico басылымы деректеріне қарасақ, «Diella» атты жасанды интеллект қазіргі кезде e-Albania платформасы арқылы қызметіне кірісіп кеткен. Бұл платформа арқылы азаматтар мемлекеттік қызмет алады.

Жасанды зерде мемлекеттік сатып алуларға жауап беретін министр қызметін атқарады. Елдің премьер-министрі Эди Рама осылай дейді.

Жасанды зердеге көмектесетін арнайы бөлім құрылмақ. Ол басқа мемлекеттік құрылымдарға да нейрожелілерді енгізумен айналысып, тендерлердің ашықтығы мен әділдігін қамтамасыз етеді. 

Еске сала кетсек, жақында парламент палаталарының бірлескен отырысында Қасым-Жомарт Тоқаев Жасанды интеллект министрлігін құруды тапсырған еді.