Жапонияда жер сілкінісі болды

Жапонияның оңтүстік-батысындағы Кюсю аралында 7.1 балдық жер сілкінісі болды.

Бұл туралы Еуропалық Жерорта теңізі сейсмологиялық орталығы хабарлады.

Еуропалық Жерорта теңізі сейсмологиялық орталығының мәліметтері бойынша, 7,1 балдық жер сілкінісі Астана уақытымен 12:42-де болды. Жер асты дүмпулері Миядзакиге жақын маңда, мұхит түбінен 30 шақырым тереңдікте тіркелді. 

Қазіргі уақытта айтарлықтай қираулар тіркелген жоқ. Ал атом электр станциялары қауіпсіз жағдайда екенін министрлер кабинеті бас хатшысы Ёсимаса Хаяси растады. 

Дегенмен, ел цунамиден қауптеніп, бар назар осы табиғи апатта болып тұр.