Жамбылдық полицейлер бірінші болып электромобильдерге отырды

Жамбыл облысының полицейлері өз автопаркіне 25 электромобиль алды, деп хабарлайды Orda.kz.

Электромобильдердің Қазақстанда шығарылғаны хабарланды.

«Жаңа көліктер заманауи қондырғылармен жабдықталған, оларға дыбыс күшейткіш пен рация орнатылған. GPS жүйесі арқылы көліктердің қай бағытта жүріп бара жатқаны орталықтандырылған түрде бақыланады», - дейді полицейлер.

Жалпы, жыл басынан бері облыс полицейлері 59 қызметтік көлік алған.

Жаңа көліктердің кілтін тәртіп сақшыларына облыс әкімі Ербол Қарашүкеев табыс етті.