Жамбылда жиенін бірнеше жыл бойы зорлап келген ағайындылар істі болды

Жамбыл облысында ағайындылар алты жыл бойы 12 жасар жиендерін зорлап келді, деп хабарлайды Orda.kz

Өңірлік полиция департаменті  ҚР ҚК 120-бабының төртінші бөлігі бойынша қылмыстық іс қозғағанын атап өтті. Құзырлы органдар баланы зорлағаны үшін  өмір бойына бас бостандығынан айыру  жазасы қарастырылатынын ескертті.

Жамбыл облыстық полиция департаменті баспасөз қызметінің мәліметінше, бір күдікті ұсталып, қамауға алынды, екіншісі әлі іздестіріліп жатыр.

«Екінші күдіктіні ұстау үшін барлық қажетті шаралар қабылдануда. Қылмыстық іс — ПД басшылығының бақылауында» , - деп сендірді баспасөз қызметі.

Зардап шеккен адамның туыстары қызға қысым көрсетіп, қауіп төндіруі мүмкін деп қорқатындарын жасырмады.