Жамбыл облысында Ұлттық ұлан экс-қызметкерінен 15 жастағы қыз босанды

Жамбыл облысында 15 жастағы қыз Ұлттық ұланның экс-қызметкерінен босанды, деп хабарлайды Orda.kz.

Белгілі болғандай, 15 жастағы кәмелетке толмаған қыз бала дүниеге сәби әкелді. Баланың әкесі ретінде Ұлттық ұлан сарбазы күдікке ілінген.

«Оқиға биылғы оқу жылы колледжге қабылданған №3 Байзақ аудандық колледжінің студентіне қатысты. Қыздың жүктілігін колледж қызметкерлері анықтаған. Бұл жайт бірден оның анасына және полиция органдарына хабарланған»,  деп мәлімдеді облыстық білім басқармасы.

Қазіргі уақытта аталған факті бойынша сотқа дейінгі тергеу амалдары жүргізілуде. Алайда күдікті азаматтың қамауға алынғаны немесе бостандықта екені жөнінде ресми ақпарат жоқ.