Жамбыл облысында тағы бір сарбаз қаза тапты

27 қаңтарда Жамбыл облысында әскери борышын өтеп жүрген сарбаз қаза тапты. Бұл туралы бас прокуратура мәлімдеді, деп хабарлайды Orda.kz. 

Ақпаратқа қарағанда, сарбаз қарудан өзіне оқ атып алған. Бұл іс бойынша ішкі істер министрлігі сотқа дейінгі тергеу бастап кетті. Жедел тергеу тобы құрылды. Жамбыл облысындағы сарбаз қаза тапқан бөлімге прокурордың орынбасары, бас әскери прокурор, ішкі істер министрлігінің әскери-тергеу департаментінің басшысы жіберілді. 

Айта кетейік, 23 қаңтарда Өскемендегі әскери гарнизонда да бір сарбаз қаза болған. Құрлық әскері қолбасшылығы сарбаз қарауыл қызметін атқару кезінде өзіне бекітілген қарудан өзіне оқ атып, көз жұмды деп мәлімдеді.