Жамбыл облысында инвесторға 3 жыл бойы жер берілмей келген

ҚР Президенті Қасым-Жомарт Тоқаевтың тапсырмасына сәйкес елімізде пайдаланылмай жатқан жерлерді мемлекет меншігіне қайтару жұмыстары жүргізілуде. Өткен жылы Жамбыл облысында бос жатқан 201,2 мың гектар жер мемлекет меншігіне қайтарылған, деп хабарлайды Orda.kz порталы.

Алайда Жер қатынастары саласында мәселелер жетерлік. Жамбыл облысының Байзақ ауданында сүт өнімдерін өндіру және өңдеу, сондай-ақ ірі қара малын күтіп-бағу бойынша инвестициялық жоба жүзеге асырылуда.

«Нұрлы-жай» шаруа қожалығы жобаға 400 миллион теңгеге жуық инвестиция салған. Бірақ инвестор үш жылдан астам уақыт бойы инвестициялық жобаны одан әрі дамыту үшін жергілікті әкімдіктен егістік алқабын ала алмаған.