Жалақым 20 миллион болу керек – Бақытжан Базарбек

Мәжіліс депутаты Бақытжан Базарбек өз жұмысын 20 миллионға бағалады, деп хабарлайды Orda.kz. 

Президент жолдауынан кейін Бақытжан Базарбек бір палаталы парламентті қолдап, артықшылығын айтты.

«Мен ешқандай кемшілік көріп тұрған жоқпын. Мұнда қаржы үнемделеді, заң қабылдау жылдамдайды, заң шығару процесінің тиімділігі артады, плюрализм болады, саяси өмірге, сайлауға қатысу мүмкіндігі пайда болады», – деді Базарбек.

Бір палаталы парламентте 120-130 депутат болуы мүмкін екенін айтты. 

Сонымен қатар, Бақытжан Базарбек депутаттардың жалақысын көтеру керек екенін де айтты.

«Менің жалақым кем дегенде 20 миллион теңге болуы керек. Себебі мен 20 миллион теңгелік жұмыс атқарып жүрмін»,  – деді Базарбек.

Еске сала кетейік, президент сенат парламентін таратуды ұсынды.