Жаңа хабарлама: екпе алмасаң, мектепке бармайсың!

Оқушылардың демалысқа шыққаны сол еді, мектептер жаңа оқу жылына дайындықты бастады. Олар «ата-анасы екпе алмаса, балалар кезекші сыныпта оқи алмайды» деп ата-аналар чатына жазған.

Бұл туралы Orda.kz «Информбюро» жаңалықтар бағдарламасына сілтеме жасап хабарлады.

Көп балалы ана Кәусар Күлшашарованың балалары баратын мектеп лық толы. Ол балаларының денсаулығына алаңдаулы. Сондай-ақ, ата-аналар чатында «екпе салдырмасаңыз балаңыз мектепке келіп оқи алмайды» деген жаңа хабарлама пайда болған.

– Қазір ата-аналар чаттарына барлық ата-аналарды вакциналау керек деген хабарламалар келіп жатыр, бұл құпия емес. Бірақ кейбіреулер денсаулығына байланысты вакцина салдырмауы мүмкін екенін есте ұстаған жөн. Екіншіден, пандемия жағдайында офлайн оқуға қалай ауысатынымыз түсініксіз, әсіресе біздің мектепте адам көп, әр сыныпта 30-дан астам бала бар, - деді Кәусар Күлшашарова.

Ал Алматы білім басқармасы бұл ақпаратты жоққа шығарып отыр.

– Мұндай талап жоқ. Бірақ офлайн форматқа көшу үшін, әрине, мойындауымыз керек, ұжымдық иммунитетті қалыптастыруымыз керек. Бүгінде мұғалімдердің көпшілігі вакциналанған. Ата-аналарға міндетті түрде вакцина егу керек деген тапсырма жоқ, - деді Алматы қаласы білім басқармасының басшысы Ләззат Жылқыбаева.

2021 жылдың соңына дейін Алматыда 8 жаңа мектеп салынып, қолданыстағы 17 мектеп жөндеуден өтеді. 1 қыркүйекке дейін МЖӘ бойынша жұмыс істейтін 6 жекеменшік мектеп ашылады.