Зеленский АҚШ-тың әскери көмегін борыш деп танудан бас тартты

Украина президенті Владимир Зеленский Киевтің АҚШ-пен жер қойнауы туралы келісімге қол қою аясында соңғы жылдары берілген Америка көмегін борыш деп тануға дайын емес екенін мәлімдеді, деп хабарлайды Orda.kz «Европа шындығы» басылымына сілтеме жасай отырып.

Украина көшбасшысы ақпан айының соңында Ақ үйдегі оқыс оқиғадан кейін қол қою сәтсіздікке ұшыраған негіздемелік келісімде америкалық тараппен басты ымыраға келетіндігін айтқан. Сол кезде Украина Ресеймен қақтығыс басталғаннан бері АҚШ-қа көмек көрсеткені үшін қаражат қайтаруы мүмкін еместігі белгілі болды.

«Біз бұған дейін айтқандай көмекті қарыз деп қабылдамаймыз. Бұл мен үшін түсінікті нәрсе. Біз өтіп кеткен жағдай туралы айтып отырмыз», - деді Зеленский. 

Сонымен қатар ол Украина АҚШ-қа, егер Трамп әкімшілігі көмек көрсетсе, оның орнын толтыруға дайын екенін айтты.

«Егер қандай да бір перспективалар, жаңа көмек, жаңа қолдау түрлері қарастырылатын болса, онда АҚШ белгілі бір шарттар қоя алады. Бұл команда бізге тегін ештеңе істемейтінін түсіндік. Бұны олар ресми түрде де мәлімдеді», - деді Зеленский. 

Бұған дейін Дональд Трамптың әкімшілігі пайдалы қазбалар туралы келісімге Украинаға 2022 жылы Ресей басып кіргеннен кейін АҚШ берген барлық көмекті өтеу талабын қайтарғаны хабарланған болатын.

Дегенмен келісім мәтінінде Украина АҚШ-қа соғыс басталғаннан кейін берілген бюджеттік, әскери және гуманитарлық көмек құнын өтеуге міндеттегені айтылған.

Бұған дейін АҚШ Конгресінің делегациясы Мюнхен қауіпсіздік конференциясы барысында Украинаның минералдық ресурстарының 50 пайызына құқықты АҚШ-қа беру туралы келісімге қол қоюды ұсынды. Владимир Зеленский «сыпайы түрде бас тартқан болатын.

Сонымен қатар Владимир Зеленский «Мен тарихта Путинге елімді басып алуға көмектескен адам ретінде қалғым келмейді» деп мәлімдеді.

Оның алдында Украина билігі өздері тәуелсіз деп санайтын БАҚ-тарды ғана шақырып, сұхбат берді.

Украинаның Ресеймен соғысын тезірек тоқтатуды талап етіп отырған АҚШ президентінің әкімшілігі бұған дейін соғысқа қаржылай қолдау көрсету үшін Украинадан АҚШ-қа сирек кездесетін металдар мен басқа да  пайдалы қазбаларды беру туралы айтқан болатын.