Зейнетақыны пайдаланудың жаңа шектері күшіне енді

Қазақстанда 2024 жылға арналған зейнетақы жинақтарын пайдаланудың жаңа барабарлық шектері күшіне енді, деп хабарлайды Orda.kz.

2024 жылға арналған шекті мәндер өзгерген жоқ (шамамен 2023 жылдың деңгейінде қалды) және жас ерекшеліктеріне қарай 3-тен 10 миллионға жуық теңге болады. 

20 жастағы қазақстандықтар үшін бұл көрсеткіш 3 миллион 260 мың теңге, 30 жастағылар үшін 4 миллион 580 мың теңге, 40 жастағылар үшін 6 миллион 100 мың теңге болмақ.

БЖЗҚ түсіндіргендей, әдістемеге сәйкес шекті мәндерді есептеу кезінде:

·         ең төменгі жалақы;

·          мемлекеттік базалық зейнетақы төлемінің ең төменгі мөлшері;

·         ең төменгі зейнетақы мөлшері;

·          күнкөріс деңгейі сияқты әлеуметтік көрсеткіштер, 

·         сондай-ақ басқа да бірқатар көрсеткіштер белгіленеді. 

Сонымен қатар зейнетақы активтері кірістілігінің жылдық пайыздық мөлшерлемесі, Бірыңғай зейнетақы қорынан төленетін зейнетақы төлемдерінің индекстеу мөлшерлемелері, міндетті зейнетақы жарналарының болжамды кезеңділігі, зейнетақы төлемдерін жүзеге асыру жасы және т.б. ескерілген.