Заңсыз контент және жалған ақпарат: ЕО X әлеуметтік желісіне миллиард доллар айыппұл салмақшы

ЕО-да жалған ақпарат пен құқыққа қарсы контентпен күрес туралы заңды бұзғаны үшін Илон Маск әлеуметтік желісіне қатысты «салмақты санкциялар» дайындалып жатыр, деп хабарлайды Orda.kz сайты The New York Times газетіне сілтеме жасап.

Басылым төрт дереккөзге сілтеме жасап хабарлағандай, Еуропалық Одақ реттеушілері америкалық миллиардер Илон Масктың «заңсыз контент пен дезинформацияға қарсы күрес туралы заңды бұзғаны үшін» X әлеуметтік желісіне қатысты «салмақты санкциялар» енгізуге ниетті. 

Жоспарланған айыппұл осы жазда жарияланады деп күтілуде. Жазалауға айыппұл және «өнімге өзгерістер енгізу» талаптары кіреді.

Қазіргі уақытта Еуроодақ билігі Маск әлеуметтік желісіне қаншалықты үлкен айыппұл салу керектігін саралап жатыр, алайда бір дереккөздің айтуынша, айыппұл миллиард доллардан асуы мүмкін. Осылайша, реттеушілер басқа компанияларды цифрлық қызметтер туралы ЕО заңын бұзуға жібермеуге тырысады.

Басылым дереккөздерінің айтуынша, олардың X әлеуметтік желісіне қатысты тергеуі Дональд Трамп жақында ірі тауар салықтарын жариялағанына қарамастан алға жылжуда.

Өткен жазда біз X (бұрынғы Twitter) әлеуметтік желісі платформаның қауіпті контентпен күресуге қабілетсіздігінен еуропалық реттеушілер тарапынан ескерту алған.

Еуропалық үкімет тарапынан бақылауды күшейту X түсімінің 6% мөлшерінде айыппұл салуға әкелуі мүмкін және Илон Маскке тиесілі әлеуметтік желіге қатысты ескертуді ресми түрде ЕО ішкі нарық жөніндегі комиссары Тьерри Бретон жариялайды.

Жақында бизнесмен Илон Маск АҚШ-тың USAID агенттігін сынап, оны қылмыстық ұйым деп атады. Илон Маск ресми түрде АҚШ президентінің жанында арнайы мемлекеттік қызметкер ретінде жұмыс істейді. 

 АҚШ-тағы президент сайлауының қорытындысына қатысты Tesla акциялары өсіп, Илон Масктың байлығы екі жылдан бері алғаш рет  300 миллиард доллардан асты.

Бұған дейін сенат спикері Мәулен Әшімбаев бюджеттік шығындарды оңтайландыру қажеттілігі туралы пікір білдіріп,  бюджетті үнемдеуді Илон Маск пен Дональд Трамптан үйренуді ұсынды.