Үш апта күткен тағайындау: Көлік министрлігіне жаңа басшы келді

Нұрлан Сауранбаев Көлік министрі лауазымына тағайындалды, деп хабарлайды Orda.kz.

Көлік министрі қызметін бұған дейін Марат Қарабаев атқарған болатын.

«Мемлекет басшысының Жарлығымен Нұрлан Ермекұлы Сауранбаев Қазақстан Республикасының Көлік министрі лауазымына тағайындалды»,  деп мәлімдеді Ақорда.

Нұрлан Сауранбаев 1967 жылы Жамбыл қаласында туған. С. М.Киров атындағы Қазақ мемлекеттік университетін, Мұнай өнеркәсібін оқыту орталығын (Италия) бітірген. Мамандығы бойынша экономист, мұнай әкімшілендіру магистрі. Еңбек жолын 1991 жылы жеке коммерциялық компанияның басшысы болып бастаған, онда 1997 жылға дейін жұмыс істеді. 2021 жылдың 8 сәуірінен бүгінгі күнге дейін «Қазақстан темір жолы» компаниясын басқарды.